Xonchorbog‘ mahallasida ishsizlik va kambag‘allikni qisqartirish bo‘yicha ishchi guruh tuzildi
Xalq deputatlari Pastdarg‘om tumani Kengashi 16-saylov okrugi deputati D. Jabbarova tashabbusi bilan Xonchorbog‘ mahallasida ishsizlik va kambag‘allikni qisqartirish, ijtimoiy xizmatlar ko‘rsatish hamda ijtimoiy infratuzilma loyihalarini amalga oshirish bo‘yicha ishchi guruh faoliyati yo‘lga qo‘yildi.
🤝 Ishchi guruh tarkibiga mahalla mutasaddilari va jamoatchilik vakillari kiritildi:
🔹 Sulaymonov Zarif — MFY raisi;
🔹 Jumanov Mardon — hokim yordamchisi;
🔹 Yangiboyev Darxon — ijtimoiy xodim;
🔹 Ahadova Ro‘zigul — xotin-qizlar faoli;
🔹 Karimova Mavjuda — otinoyi;
🔹 Nosirov Ikromxon — nuroniy;
🔹 Ismatov Narzulla — nuroniy.
📌 Ishchi guruh tomonidan mahalladagi ehtiyojmand oilalarni aniqlash, ishsiz fuqarolarni bandligini ta’minlash, oilalar daromadini oshirish imkoniyatlarini o‘rganish, ijtimoiy xizmatlardan foydalanish imkoniyatlarini kengaytirish hamda mavjud ijtimoiy infratuzilma muammolarini aniqlash va ularni hal etish bo‘yicha amaliy ishlar olib boriladi.
🔎 Deputat D. Jabbarova tomonidan ishchi guruh faoliyati ustidan deputatlik nazorati amalga oshirilib, muammolarni manzilli o‘rganish va ularning yechimini ta’minlashga alohida e’tibor qaratiladi.