Xalq deputatlari Qo‘qon shahar Kengashi deputati Sh.Dexkanov tomonidan fuqaro U.Tojiboyevaning murojaati yuzasidan yuborilgan deputatlik so‘roviga Qo‘qon shahar hokimining birinchi o‘rinbosari O.Kurbanov tomonidan rasmiy javob xati taqdim etildi.

Deputatlik so‘rovi asosida Qo‘qon shahar “G‘ishtli Masjid” MFY, Movarounnahr ko‘chasi 7-uy, 106-xonadonda istiqomat qiluvchi fuqaro Tojiboyeva Umidaxonning murojaatida ko‘tarilgan masalalar, shuningdek, hududdagi qurilish va renovatsiya ishlari atroflicha o‘rganib chiqildi.

Taqdim etilgan rasmiy javobga ko‘ra, aholining turmush sharoitini yaxshilash maqsadida Movarounnahr ko‘chasida joylashgan 1957-yilda qurilgan, foydalanish muddati o‘tgan va ma’nan eskirgan 3 ta 2 qavatli, 18 xonadonli turar joy binolari o‘rnida renovatsiya dasturi asosida 3 ta 9 qavatli, jami 134 xonadonli zamonaviy turar joy binolari barpo etilgan.

️Qurilish ishlari jarayonida hududdagi noqonuniy qurilmalar ham belgilangan tartibda olib tashlangan.

Shuningdek, deputatlik so‘rovi doirasida fuqaroga yer maydonlarini ajratish tartibi va amaldagi qonunchilik talablari yuzasidan tushuntirish berildi. Shunindek, fuqaroga bo‘sh yer maydonlarini olish amaldagi tartib asosida “E-IJRO AUKSION” yagona elektron savdo maydonchasida o‘tkaziladigan auksion savdolari orqali amalga oshirilishi tushuntirildi.

Xalq deputatlari Qo‘qon shahar Kengashi