🇺🇿Deputatlar faoliyati keng
jamoatchilikka yetkazilmoqda

Xalq deputatlari Uzun tumani Kengashi deputatlari faoliyatini ommaviy axborot vositalari va rasmiy axborot resurslarida keng yoritishga alohida e’tibor qaratilmoqda.

Fuqarolarning vakillik organlari faoliyati to‘g‘risida ochiq, shaffof va tezkor axborot olish huquqini ta’minlash, shuningdek deputatlik faoliyatining ochiqligi va hisobdorligini yanada kuchaytirish maqsadida deputatlar tomonidan amalga oshirilayotgan ishlar Uzun tumani hokimligining rasmiy axborot resurslari orqali muntazam yoritib borilmoqda.

📋Xususan, rasmiy veb-sayt va ijtimoiy tarmoqlarda:
📨deputatlik so‘rovlari;
💬saylovchilar bilan uchrashuvlar;
🔍nazorat va o‘rganish tadbirlari;
⚖️doimiy komissiyalar faoliyati;
💡ijtimoiy ahamiyatga molik tashabbuslar;
🔝hududlarni rivojlantirishga qaratilgan loyihalar va boshqa dolzarb tadbirlar haqida muntazam axborot berib borilmoqda.

✅Mazkur yondashuv deputatlar faoliyatining ochiqligi, shaffofligi va jamoatchilik bilan samarali muloqotni ta’minlash, shuningdek fuqarolarning mahalliy Kengash faoliyatidan xabardorligini yanada oshirishga xizmat qilmoqda.