Йиғилиш аввалида Маҳаллаларда иш олиб борилаётган ҳоким ёрдамчиларининг 2023 йил 5 ойлик фаолияти натижадорлигини ўрганиш натижалари тўғрисидаги Ўзбекистон Республикаси Президентининг Ромитан туманидаги Халқ қабулхонаси мудири Ғ.Муясаровнинг ахбороти эшитилди.

Ахборотда туман Маҳаллабай ишлаш ва тадбиркорликни ривожлантириш марказига жорий йилнинг 1 июнь ҳолатида жами 54 та мурожаат келиб тушган бўлиб, кўриб чиқилган мурожаатлар сони 49 тани, кўриб чиқиш жараёнидаги мурожаатлар 5 тани ташкил этади. Кўриб чиқилган мурожаатлардан қаноатлантирилган мурожаатлар сони 40 тани, шундан ижобий ҳал этилган мурожаатлар 26 та (яъни 53,1 фоиз)ни, ҳуқуқий маълумот бериш орқали ҳал этилган мурожаатлар 14 тани, тушунтириш берилган мурожаат 7 тани, рад этилган 1 та ва тугатилган 1 тани ташкил этади. 

Таҳлиллардан кўриниб турибдики, бу йўланишдаги мурожаатларни ижобий ҳал этиш даражаси бир мунча яхшиланган, яъни 11 та 23,9 % (1 май ҳолатида)дан 26 та 53,1 % (1 июнь ҳолатида) 29,2 %га ошганлиги таъкидланди. 2023 йил 1 июнь ҳолатида мазкур йўналишдаги мурожаатларни ижобий ҳал этиш даражаси “Гулистон” МФЙда (14,3%), “Самосий” МФЙда (23,5%), “Ҳазортут” МФЙда (25%), ва “Челонғу” МФЙда (29,4%) паст бўлган бир вақтда “Истиқлол” МФЙда атиги 3 та мурожаатдан биртаси ҳам ижобий ҳал этилмаганлиги танқид қилинди.  

Йиғилиш сўнгида кўрилган масала юзасидан тегишли қарорлар қабул қилинди.