Fuqarolar murojaatlari o‘rganildi, tomorqalardan samarali foydalanish tajribasi ko‘zdan kechirildi

Xalq deputatlari Termiz tuman Kengashi 1-Xalqobod saylov okrugi deputati N. Ruziyeva hamda Kengash mutaxassisi T. Murodov tomonidan deputat saylangan Orol MFY hududida fuqarolar bilan uchrashuv o‘tkazildi.

Uchrashuv davomida fuqarolarning murojaatlari, muammolari va takliflari tinglanib, ularni hal etish yuzasidan tegishli masalalar muhokama qilindi.

Shuningdek, hududdagi xonadonlarda yerdan unumli va samarali foydalanish bo‘yicha olib borilayotgan ishlar bilan tanishildi. Xususan, ayrim xonadonlarda parniklar tashkil etilgani, ularda turli ekinlar yetishtirilayotgani, shuningdek, mevali daraxtlar ekilib, tomorqa yerlaridan samarali foydalanilayotgani ko‘zdan kechirildi.

Bunday tajriba xonadonlarning bo‘sh yer maydonlaridan oqilona foydalanish, oilaviy daromadlarni oshirish, aholini bandligini ta’minlash hamda hududda oziq-ovqat yetishtirishni ko‘paytirishda muhim ahamiyat kasb etadi.

Deputat tomonidan fuqarolarga tomorqa yerlaridan samarali foydalanish, parnik xo‘jaligini rivojlantirish va mevali daraxtlarni parvarish qilish borasida tavsiyalar berildi.

📌 Fuqarolar bilan bevosita muloqot qilish, ularning muammolarini joyida o‘rganish va ijobiy yechim topishga ko‘maklashish — deputatlik faoliyatining muhim yo‘nalishlaridan biridir.

🇺🇿 Xalq bilan muloqot — muammolarga yechim, samarali tomorqa — oilaga baraka va daromad!