🏥 Bekobodda tibbiy xizmat sifatini oshirish yo‘lida yana bir muhim qadam tashlandi!

Qolg‘onsir oilaviy shifokorlik punkti yangi, zamonaviy binoda faoliyatini boshladi. Ochilish marosimida “Adolat” SDPdan saylangan deputat Dj.Shaxmayev va Kengash huzuridagi ekspert guruhi a’zosi J.Bo‘rixo‘jayev ishtirok etib, yig‘ilganlarni tabrikladilar.

Tadbirda aholiga sifatli tibbiy xizmat ko‘rsatish va tibbiyot muassasalarini zamonaviy jihozlash borasidagi ishlar ta’kidlandi.

Shuningdek, O‘zbekiston Respublikasining 1996-yil 29-avgustdagi “Fuqarolar sog‘lig‘ini saqlash to‘g‘risida”gi №265-I Qonuni ijrosini ta’minlash borasidagi ishlar izchil davom etayotgani qayd etildi.

✨ Yangi maskan — yangi imkoniyatlar, sog‘lom va farovon hayot sari yana bir muhim qadam!