Xalq deputatlari Ishtixon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi S. Abdug‘aniyev tomonidan Namuna mahallasida O‘zbekiston Respublikasining 2012-yil 26-apreldagi “Oilaviy tadbirkorlik to‘g‘risida”gi O‘RQ-327-sonli Qonuni ijrosi, xususan, mahalladagi hokim yordamchisining oilaviy tadbirkorlikni rivojlantirish borasidagi faoliyati o‘rganildi.

O‘rganish davomida mahallada oilaviy tadbirkorlik bilan shug‘ullanish istagidagi fuqarolarni aniqlash, ularning tadbirkorlik tashabbuslarini qo‘llab-quvvatlash, mavjud oilaviy tadbirkorlik subyektlarini rivojlantirish hamda faoliyatini kengaytirish uchun zarur shart-sharoitlarni yaratish borasidagi ishlar ko‘rib chiqildi.

Shuningdek, oilaviy tadbirkorlik subyektlarining kredit mablag‘laridan foydalanishi, ishlab chiqarish va xizmat ko‘rsatish faoliyatini yo‘lga qo‘yishi, muhandislik-kommunikatsiya tarmoqlaridan foydalanishi hamda mahsulotlarini realizatsiya qilish imkoniyatlarini kengaytirish masalalariga e’tibor qaratildi. Qonunning 23-moddasida oilaviy korxonalarni rivojlantirish va mustahkamlashga ko‘maklashish, shu jumladan zarur joy, yer va kommunikatsiya infratuzilmasidan foydalanish imkoniyatlarini yaratish belgilangan.

O‘rganish yakunida mahallada oilaviy tadbirkorlikni rivojlantirish, aholi bandligini ta’minlash va tadbirkorlik tashabbuslarini qo‘llab-quvvatlash bo‘yicha mavjud imkoniyatlardan samarali foydalanish masalalariga alohida e’tibor qaratildi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)