Oltiariq tumanida yangi barpo etilgan ijtimoiy obyektlarda yaratilgan sharoitlar o‘rganildi 

Oliy Majlis Qonunchilik palatasi deputati R. Shukurov, Xalq deputatlari Oltiariq tuman Kengashi Kotibiyat mudiri A. Yursunov hamda tuman Kengashi deputati, O‘zbekiston Xalq demokratik partiyasi Oltiariq tuman Kengashi raisi A. Ergashevlar tomonidan tumanda yangi barpo etilgan binolarning holati o‘rganildi. O‘rganish davomida IT markazi hamda Yoshlar ishlari agentligi binolari ko‘zdan kechirilib, yaratilgan sharoitlar, mavjud imkoniyatlar va binolardan samarali foydalanish holatiga e’tibor qaratildi. Yoshlar uchun zamonaviy bilim va ko‘nikmalarni egallash, axborot texnologiyalarini chuqur o‘rganish hamda bo‘sh vaqtini mazmunli tashkil etish uchun yaratilayotgan bunday imkoniyatlar hudud rivojida muhim ahamiyat kasb etadi. O‘rganish jarayonida aniqlangan masalalarni bartaraf etish va mavjud imkoniyatlardan samarali foydalanish bo‘yicha tegishli tavsiyalar berildi.