Xalq deputatlari Angor tumani Kengashi 18-Yangi turmush saylov okrugi deputati S.A. Yuldosheva tomonidan fuqarolar bilan joyiga chiqqan holda uchrashuv va o‘rganishlar davomida kelib tushgan murojaatlar o‘rganilib, aholini qiynab kelayotgan muammolarni qonuniy tartibda hal etish bo‘yicha tegishli choralar ko‘rilmoqda.

Joriy yilning 2-sentyabr kuni o‘tkazilgan o‘rganishlar davomida Angor tumani “Yangi turmush” mahallasi fuqarolari tomonidan Ko‘p tarmoqli oilaviy poliklinikaning Sharof Rashidov filialini 2 dona konditsioner bilan ta’minlashda amaliy yordam ko‘rsatish yuzasidan murojaat bildirildi.

Mazkur murojaat deputat tomonidan joyiga chiqqan holda o‘rganilib, fuqarolarning murojaatini e’tiborsiz qoldirmaslik, tibbiyot muassasasida fuqarolar uchun qulay shart-sharoit yaratish maqsadida mas’ul tashkilotga deputatlik so‘rovi yuborildi.