Xalq deputatlari Bo‘ston tumani Kengashi raisi M.Tuychiyeva tumandagi 23-umumiy o‘rta ta’lim maktabi o‘quvchilari bilan uchrashib, ularni yangi o‘quv yili bilan samimiy tabrikladi.
Uchrashuv davomida o‘quvchilarga yangi o‘quv yilida muvaffaqiyat, bilim olishda yuqori natijalar, namunaviy xulq-atvor va ezgu maqsadlar sari intilish tilab qolindi.
Shuningdek, o‘quvchilar bilan Mustaqillik tushunchasi haqida ularning yoshi va dunyoqarashiga mos, sodda va tushunarli tarzda suhbat o‘tkazildi. Mustaqillik — bu Vatanimizning erkinligi, tinchligi va o‘z kelajagimizni o‘z qo‘limiz bilan barpo etish imkoniyati ekani ta’kidlandi.
Yosh avlodga bu ulug‘ ne’matni qadrlash, asrab-avaylash, Vatanga sadoqatli va bilimli insonlar bo‘lib kamol topish har bir fuqaroning muhim vazifasi ekani tushuntirildi.