Xalq deputatlari Sardoba tuman Kengashiga 7-Bahmal saylov okrugidan saylangan deputat G.Absatova tomonidan Sardoba tumani Quyitosh MFYda yangi qurilgan 19-sonli umumta’lim maktabi binosi bugungi kunda ta’lim oluvchilar va pedagog xodimlar uchun zarur sharoitlarni yaratish maqsadida foydalanishga tayyor holatga keltirilgan.
Biroq, maktab binosida markazlashgan ichimlik suvi tarmog‘i mavjud emasligi ta’lim muassasasining sanitariya-gigiyena talablariga to‘liq javob berishi va o‘quvchilar uchun zarur maishiy sharoitlarni ta’minlashda jiddiy muammolarni keltirib chiqarmoqda.
Ma’lumki, ta’lim muassasalarida o‘quvchilar va xodimlarni sifatli hamda
xavfsiz ichimlik suvi bilan ta’minlash muhim sanitariya-gigiyena talablaridan biri hisoblanadi. Ayniqsa, yangi qurilgan maktab binosining to‘laqonli faoliyat yuritishi uchun uni tegishli muhandislik kommunikatsiya tarmoqlari, jumladan, ichimlik suvi tarmog‘i bilan ta’minlash zarur.
Mazkur holat yuzasidan tegishli tashkilotlarga deputat so‘rovi yubordi va ijobiy hal etildi.