🤩Mustaqilligimizning 35 yilligi arafasida Xalq deputatlari Toyloq tumani Kengashi deputati, tuman hokimi B. Rahmatullaev hamda tuman madaniyat bo‘limi tashabbusi bilan Jamol Sirojiddin Humiy nomidagi kutubxona foydalanishga topshirildi. Tumandagi 72-“Zamin” markazi huzurida tashkil etilgan ushbu ma’naviyat maskani kitobxonlik madaniyatini yuksaltirish, yoshlarni milliy adabiyot va ma’rifatga oshno etish hamda iste’dodli shoirning boy adabiy merosini keng targ‘ib qilishga xizmat qiladi.

🤩Kutubxona ochilish marosimida deputatlar, ijodkorlar, madaniyat va san’at vakillari Jamol Sirojiddin Humiy hayoti va ijodi haqida so‘z yuritdilar. Tadbir davomida shoir ijodidan namunalar o‘qilib, u bilan bog‘liq unutilmas xotiralar yodga olindi.