Taxiatosh tumani “Markaziy” MFYda joylashgan 6-sonli maktab atrofida bolalar xavfsizligini ta’minlash bo‘yicha aholi tomonidan bildirilgan murojaat amalda o‘z yechimini topdi.

Ilgari ushbu hududda avtomobillar tezligi yuqori bo‘lgani sababli o‘quvchilar yo‘ldan o‘tishda qiyinchilikka duch kelayotgan edi. Murojaat yuzasidan yuborilgan deputat so‘rovi natijasida hududga transport vositalari tezligini cheklovchi sun’iy yo‘l notekisliklari (tezlik pasaytirgichlar) o‘rnatildi.

🤝 Joyiga chiqqan holda o‘rganish o‘tkazildi Bajarilgan ishlarning sifatini va haqiqiy holatni o‘rganish maqsadida Xalq deputatlari Taxiatosh tumani Kengashiga O‘zbekiston Xalq demokratik partiyasidan saylangan deputat, O‘zXDP tuman Kengashi raisi va partiya guruhi rahbari Artikov Davron Omarbayevich, deputat Gayliyev Shamirat Kurbanmiradovich hamda deputat Abdisadikov Yusupbay Axmadjanovichlar joyiga chiqib, vaziyatni ko‘zdan kechirdilar.

📌 Deputatlarimiz tomonidan fuqarolarning xavfsizligi va murojaatlari ijrosini ta’minlash borasidagi nazorat ishlari davom ettirilmoqda.