Xalq deputatlari Qo‘qon shahar Kengashi 26-“Yangi obod” saylov okrugi deputati G.Payg‘amova tomonidan “Turkiston” mahalla fuqarolar yig‘inida jinoyatchilik va huquqbuzarliklarning oldini olish, jamoat xavfsizligini ta’minlash hamda O‘zbekiston Respublikasining “Huquqbuzarliklar profilaktikasi to‘g‘risida”gi Qonuni ijrosini ta’minlash yuzasidan o‘rganish ishlari olib borildi.

O‘rganish davomida mahallada “Xavfsiz mahalla” tamoyilini ta’minlash, hududda osoyishtalikni mustahkamlash, jinoyatchilik va huquqbuzarliklarning barvaqt oldini olish borasida amalga oshirilayotgan ishlar ko‘zdan kechirildi.

Jumladan, mahalla hududining 6 ta kirish qismiga kuzatuv kameralari o‘rnatilgani aniqlandi. Mazkur kameralar hududga kirib-chiqayotgan transport vositalari va fuqarolar harakatini kuzatish, jamoat xavfsizligini ta’minlash hamda turli huquqbuzarliklarning oldini olishda muhim vosita bo‘lib xizmat qilmoqda.

️Shuningdek, hududdagi xavfsizlikni ta’minlashda profilaktika inspektori, mahalla faollari va mas’ul tashkilotlar o‘rtasidagi hamkorlikni yanada kuchaytirish, mavjud imkoniyatlardan samarali foydalanish masalalariga ham e’tibor qaratildi.

Xalq deputatlari Qo‘qon shahar Kengashi