Bag‘dod tumanidagi 58-umumiy o‘rta ta’lim maktabida 2026–2027-o‘quv yilining boshlanishiga bag‘ishlangan bayram tadbiri ko‘tarinki ruhda tashkil etildi.

📌 Tadbirda Xalq deputatlari Bag‘dod tumani Kengashi raisi D.Karimova ishtirok etib, o‘qituvchi va murabbiylar, o‘quvchilar hamda ota-onalarni yangi o‘quv yili bilan samimiy qutladi.

🟢Tadbir davomida mamlakatimizda ta’lim tizimini rivojlantirish, yoshlarning sifatli bilim olishi va zamonaviy kasblarni egallashi uchun yaratilayotgan sharoitlar haqida fikrlar bildirildi. Kelajak poydevori bo‘lgan yosh avlodni har tomonlama yetuk, bilimli va vatanparvar insonlar etib tarbiyalashda ustozlarning o‘rni alohida ekanligi ta’kidlandi.

🟢Yangi o‘quv yili munosabati bilan o‘quvchilarga mustahkam bilim, yuqori natijalar, fan olimpiadalari va turli tanlovlarda muvaffaqiyatlar, ustozlarga esa sharafli faoliyatlarida kuch-g‘ayrat va ulkan zafarlar tilandi.