#deputat_okrugida
#nazorat_tahlil

“Yangi O‘zbekiston massivi” loyihasi doirasidagi yo‘l ishlari o‘rganildi

Xalq deputatlari tuman Kengashiga 15-Zarkamar saylov okrugidan saylangan deputat A.Xolmo‘minov o‘z saylov okrugidagi “Kunchiqish” mahallasida bo‘lib, “Yangi O‘zbekiston massivi” loyihasi doirasida amalga oshirilayotgan bunyodkorlik va obodonlashtirish ishlari bilan tanishdi.

Jumladan, mahallaning Dilkash, Lolazor, Meros, Nodira, Vorislik hamda Serquyosh ko‘chalarida olib borilayotgan asfaltlash ishlarida ishtirok etib, yo‘l qoplamasining sifati, bajarilish holati va belgilangan talablarga muvofiqligiga alohida e’tibor qaratdi.

O‘rganish davomida mahalladagi jami 6 ta ko‘chada 2 100 metr uzunlikdagi yo‘lni asfaltlash ishlari amalga oshirilgani qayd etildi.

Jarayon davomida mas’ullar bilan fikr almashilib, yo‘l qurilishi ishlarini sifatli yakunlash, belgilangan me’yorlarga rioya qilish hamda hudud aholisi uchun qulay va xavfsiz yo‘l sharoitlarini yaratish yuzasidan tegishli tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram