#Qaror_Ijrosi #deputatlar_nazorati #poytaxtdeputatlari #deputatlik_faoliyati #24_ta_tavsiyaviy_savol #Deputat_daftari

❗️DEPUTATLAR TASHABBUSI BILAN MAKTAB VA BOG‘CHANI TA’MIRLASH UCHUN MABLAG‘ AJRATILDI

🏛 Xalq deputatlari Toshkent shahar Kengashi deputati Toshpo‘lat Matibayev saylangan hudud — Mirobod tumanidagi “Fayziobod” mahallasida joylashgan 135-sonli maktabgacha ta’lim tashkiloti hamda 214-sonli umumta’lim maktabining ta’mirtalab holati yuzasidan fuqarolar tomonidan amaliy yordam so‘rab murojaat kelib tushgan edi.

🔎 Murojaat asosida Toshpo‘lat Matibayev boshchiligida Mirobod tumani Kengashi deputatlari Tatyana Gribanova, Maqsudjon Masharipov va Alisher Eshmatov mahalla yettiligi, ta’lim muassasalari ma’muriyati, ko‘chaboshilar hamda yoshlar bilan birgalikda mazkur obyektlarning holatini joyiga chiqib o‘rgandi.

🏫 O‘rganish davomida 135-sonli maktabgacha ta’lim tashkiloti va 214-sonli umumta’lim maktabida ta’mirlash hamda obodonlashtirish ishlarini amalga oshirish zarurligi aniqlandi. Mavjud masalalarni hal etish yuzasidan deputatlar tomonidan tegishli takliflar ilgari surilib, amaliy choralar ko‘rildi.

💰 Natijada Xalq deputatlari Toshkent shahar Kengashining 2026-yil 4-avgustdagi VII-25-118-14-0-K/26-sonli qarori bilan mazkur ikki ijtimoiy soha obyektida obodonlashtirish ishlarini amalga oshirish uchun jami 967 million 768 ming 800 so‘m mablag‘ ajratildi.

🛠 Ajratilgan mablag‘lar hisobidan ta’lim muassasalarida tegishli loyihalash va ta’mirlash ishlarini amalga oshirish ko‘zda tutilgan. Mazkur ishlarni qisqa muddatlarda boshlash rejalashtirilgan.

🔺 Deputat Toshpo‘lat Matibayev tomonidan ko‘tarilgan masalaning amaliy yechim topishi, ajratilgan mablag‘lardan maqsadli foydalanilishi hamda maktab va bog‘chadagi ta’mirlash ishlarining sifatli bajarilishi deputatlik nazoratiga olindi.

✅ Aholi murojaatini joyida o‘rganishdan boshlangan tashabbus natijasida “Fayziobod” mahallasidagi ikki muhim ijtimoiy soha obyektini yaxshilash bo‘yicha amaliy yechim ta’minlandi.

📱 Telegram 📱 Instagram 📱 Facebook 📱 YouTube 🔎 E-kengash