🟢 40-MAKTABDA INKLYUZIV TA’LIM UCHUN XONA TASHKIL ETISH HOLATI O‘RGANILDI

Xalq deputatlari Sherobod tumani Kengashi 22-Bo‘ston saylov okrugi deputati To‘xtoshev Abror Safarali o‘g‘li tomonidan Sherobod tumanining Oyinli MFY hududida joylashgan 40-umumiy o‘rta ta’lim maktabida nogironligi bo‘lgan o‘quvchilar uchun inklyuziv ta’limga mo‘ljallangan xona tashkil etish holati o‘rganildi.

O‘rganish davomida mazkur xona uchun yaratilgan shart-sharoitlar, mavjud imkoniyatlar hamda nogironligi bo‘lgan o‘quvchilarning ta’lim olishlari uchun zarur qulayliklar ko‘rib chiqildi.

Shuningdek, inklyuziv ta’limni samarali tashkil etish, o‘quvchilar uchun qulay va xavfsiz muhit yaratish hamda zarur shart-sharoitlarni ta’minlash masalalariga alohida e’tibor qaratildi.

O‘rganish davomida aniqlangan holatlar qayd etilib, tegishli masalalar yuzasidan taklif va tavsiyalar bildirildi.

Xalq deputatlari Sherobod tumani Kengashi kotibiyati matbuot xizmati.