ҚИШЛОҚ ИНФРАТУЗИЛМАСИНИ РИВОЖЛАНТИРИШ ИШЛАРИ ЎРГАНИЛДИ
Халқ депутатлари Янгиқўрғон тумани Кенгаши депутати Боймирзаев Улуғбек Муҳаммадович томонидан сайлов округи ҳудудида Жаҳон банкининг «Қишлоқ инфратузилмасини ривожлантириш» лойиҳаси доирасида амалга оширилаётган ишлар жойида ўрганилди.
Ўрганиш жараёнида янги электр таянч устунларини ўрнатиш, уларнинг техник талаблар асосида жойлаштирилиши ҳамда замонавий ва хавфсиз СИП кабелларини тортиш ишларининг бориши кўздан кечирилди.
Депутат томонидан қурилиш-монтаж ишларининг сифати, белгиланган муддатларга риоя этилиши ва аҳоли хонадонларини барқарор электр энергияси билан таъминлаш масалаларига алоҳида эътибор қаратилди. Масъулларга ишларни сифатли ва ўз вақтида якунлаш бўйича тегишли тавсиялар берилди.
Мазкур лойиҳанинг амалга оширилиши ҳудуддаги электр тармоқларини янгилаш, электр энергиясидаги узилишларни камайтириш ҳамда аҳоли учун хавфсиз ва барқарор электр таъминотини таъминлашга хизмат қилади.
📌 Лойиҳа доирасидаги ишлар депутатлик назоратида давом эттирилади.