Xalq deputatlari Andijon shahar Kengashi kotibiyati bosh mutaxassisi Sh. Yusupov tomonidan O‘zbekiston “Milliy Tiklanish” demokratik partiyasi Andijon viloyat Kengashida uchrashuv o‘tkazildi.

Uchrashuvda mahalliy Kengash kotibiyati va siyosiy partiya o‘rtasidagi hamkorlikni yanada rivojlantirish, deputatlar faoliyatini qo‘llab-quvvatlash, saylovchilar murojaatlari bilan ishlash hamda hududlarda amalga oshirilayotgan ishlarni muvofiqlashtirish masalalari muhokama qilindi.

Shuningdek, Kengash faoliyatida siyosiy partiyalar bilan muntazam va samarali hamkorlikni yo‘lga qo‘yish, partiya guruhlarining takliflarini o‘rganish va ularni Kengash faoliyatiga tatbiq etish bo‘yicha fikr almashildi.

Hamkorlikning asosiy maqsadi — deputatlar faoliyatini yanada kuchaytirish va aholi manfaatlarini samarali himoya qilishga xizmat qiladigan amaliy mexanizmlarni yo‘lga qo‘yishdir.