Xalq deputatlari Chilonzor tumani Kengashi deputati Nazirov Madaminjon Ma’rufjon o‘g‘li tomonidan hududdagi obodonlashtirish masalalari yuzasidan deputat so‘rovi yuborildi.

Deputatlik so‘rovida hududdagi mavjud obodonlashtirish bilan bog‘liq muammoni bartaraf etish, zarur amaliy choralarni ko‘rish hamda hududning sanitariya va obodonlik holatini yaxshilash masalalariga alohida e’tibor qaratilgan.

Mazkur masala tuman obodonlashtirish boshqarmasining vakolat va vazifalariga bevosita taalluqli bo‘lishiga qaramay, mas’ul tashkilot tomonidan ishlarning o‘z vaqtida va talab darajasida tashkil etilmayotgani, mavjud muammoni bartaraf etish choralariga yetarlicha e’tibor qaratilmayotgani kuzatilmoqda.

Ayniqsa, obodonlashtirish sohasida vazifalarga sovuqqonlik bilan yondashish, ijro intizomiga yetarlicha rioya qilmaslik, mas’uliyatni to‘liq his etmaslik hamda hududdagi muammolarni o‘z vaqtida bartaraf etmaslik kabi holatlar aholining haqli e’tirozlariga sabab bo‘lishi mumkin.

Obodonlashtirish ishlari faqat topshiriqni qabul qilish bilan cheklanib qolmasdan, uning amaliy natijasi bilan yakunlanishi lozim. Mas’ul tashkilot tomonidan berilgan vazifalarning o‘z vaqtida bajarilmasligi hududning umumiy obodonlik holatiga salbiy ta’sir ko‘rsatib, aholi uchun qulay va munosib muhit yaratish borasidagi ishlarning samaradorligini pasaytiradi.

Shu munosabat bilan deputat tomonidan mas’ul tashkilotning mazkur masalaga munosabatini ko‘rib chiqish, aniqlangan kamchiliklarni bartaraf etish, belgilangan vazifalarning ijrosini ta’minlash hamda mas’ul mansabdor shaxslarning o‘z xizmat vazifalariga mas’uliyatli va vijdonan yondashishi so‘raldi.

Deputatning asosiy talabi — obodonlashtirish sohasidagi mavjud kamchiliklarni o‘z vaqtida bartaraf etish, mas’ul tashkilotlar faoliyatida ijro intizomi va mas’uliyatni kuchaytirish hamda aholi murojaatlarida ko‘tarilgan masalalarni amaliy natija bilan hal etishdan iborat.