Avval xabar qilinganidek bugun Xalq deputatlari Marg‘ilon shahar Kengashining navbatdagi o‘ttiz birinchi sessiyasi bo‘lib o‘tadi. Sessiyasga tayyorgarlik ko‘rish ishlari olib borilmoqda.

Sessiya kun tartibiga kiritiladigan qaror loyihalari, ma’ruza va axborotlar hamda boshqa sessiya hujjatlarining belgilangan tartibda tayyorlanishi, mazmunan va huquqiy jihatdan puxtaligi Kengash raisi O.Axmatshayev tomonidan nazorat qilinmoqda.

Shuningdek, Kengashning doimiy komissiyalari raislari X.Abduraxmonov va A.Mahkamov tomonidan sessiyada ko‘rib chiqiladigan masalalarni dastlabki muhokamadan o‘tkazish, ularning dolzarbligi va amaliy ahamiyatini tahlil qilish hamda sessiya ishini samarali tashkil etish bo‘yicha tegishli tayyorgarlik ishlari amalga oshirilmoqda.

Mazkur jarayonlarda asosiy e’tibor sessiya kun tartibidagi masalalarni har tomonlama o‘rganish, deputatlar muhokamasi uchun zarur hujjatlarni sifatli tayyorlash hamda qabul qilinadigan qarorlarning qonuniyligi, asoslanganligi va amaliy ijrosini ta’minlashga qaratilmoqda.