Xalq deputatlari Taxiatosh tumani Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasining navbatdagi yig‘ilishi bo‘lib o‘tdi.

👥 Yig‘ilishga doimiy komissiya raisi Artikov Davron Omarbayevich raislik qildi. Unda komissiya a’zolari hamda mas’ul mutaxassislar ishtirok etdi.

📑 Yig‘ilish kun tartibidan Respublika Ma’naviyat va ma’rifat markazi Taxiatosh tumani bo‘linmasi rahbari M.Djumamuratovaning 2026-yil II choragida ma’naviy-ma’rifiy yo‘nalishda amalga oshirilgan ishlar yuzasidan hisobotini tinglash masalasi o‘rin oldi.

💬 Hisobot davomida aholining ma’naviy dunyoqarashini yuksaltirish, yoshlar bilan olib borilayotgan ma’naviy-ma’rifiy tadbirlar hamda jamiyatda ma’rifat va ma’naviyat muhitini mustahkamlash borasida amalga oshirilgan ishlar haqida ma’lumot berildi.

🔎 Muhokama jarayonida komissiya a’zolari tomonidan fikr va takliflar bildirilib, ma’naviy-ma’rifiy ishlarning samaradorligini yanada oshirish masalalariga e’tibor qaratildi.

Yig‘ilish yakunida tegishli tavsiya va vazifalar belgilab olindi.