Xalq deputatlari Qo‘qon shahar Kengashi kotibiyat mudiri A.Nosirov tomonidan deputat X.Nazarova saylangan “Baqa chorsu” mahalla fuqarolar yig‘inida O‘zbekiston Respublikasining “Davlat tili to‘g‘risida”gi Qonuni ijrosi yuzasidan navbatdagi o‘rganish ishlari olib borildi.

O‘rganish jarayonida shahar hokimining maslahatchisi D.Alimova tomonidan amaliy ko‘mak ko‘rsatilib, mahalla fuqarolar yig‘inida davlat tiliga oid qonunchilik talablarining amaliy ijrosi atroflicha tahlil qilindi.

Shuningdek, mahalla hududidagi tashqi yozuvlar, peshlavhalar, e’lon va axborot materiallarining davlat tili talablariga muvofiqligi yuzasidan tegishli masalalar muhokama qilindi.

O‘rganish jarayonida aniqlangan holatlar yuzasidan mas’ullarga tegishli tavsiya va ko‘rsatmalar berilib, “Davlat tili to‘g‘risida”gi Qonun talablariga qat’iy rioya etish, davlat tilidan to‘g‘ri va samarali foydalanishni ta’minlash bo‘yicha zarur choralarni ko‘rish belgilandi.

Xalq deputatlari Qo‘qon shahar Kengashi