Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Adolat” sotsial demokratik partiyasidan saylangan deputat T.Mirsidiqov tomonidan “Xo‘jakent” MFY hududida umumiy qiymati 45 mlrd so‘m bo‘lgan yirik investitsiya loyihasi — “Xo‘jakent savdo majmuasi” o‘rganildi.

🔺O‘rganish davomida qurilish ishlarining tasdiqlangan loyiha hujjatlari asosida olib borilayotgani, qurilish-montaj ishlarining sifati, mehnat muhofazasi va texnika xavfsizligi talablariga rioya etilishi, muhandislik-kommunikatsiya tarmoqlarini barpo etish ishlari hamda qurilishning belgilangan muddatlarda yakunlanishi yuzasidan amalga oshirilayotgan chora-tadbirlar tahlil qilindi.

🔺O‘rganish jarayonida loyiha doirasida:
87 o‘rinli mehmonxona;
dam oluvchilar uchun yozgi va qishki basseynlar;
26 o‘rinli charxpalak;
bolalar uchun zamonaviy maydoncha;
oilaviy mehmonlar uchun barcha qulayliklarga ega 2 ta katta kottej tashkil etilishi rejalashtirilganligi  bilan tanishildi.

🔺Ayni paytda loyiha bo‘yicha qurilish ishlari bosqichma-bosqich olib borilayotganligi, qurilish ishlarining borishi, yaratilayotgan shart-sharoitlar hamda loyihaning kelgusidagi istiqbollari bilan tanishildi.