Yoshlar manfaatlari — doimiy e’tiborda

🚨 Xalq deputatlari Boysun tumani Kengashi huzuridagi Yoshlar maslahat guruhi a’zolari, tuman Kengashi deputatlari, tuman adliya bo‘limi boshlig‘i hamda mutasaddi tashkilotlar vakillari ishtirokida hamkorlikda yig‘ilish bo‘lib o‘tdi.

🚨 Yig‘ilishda yoshlarning huquq va qonuniy manfaatlarini himoya qilish, ularning jamiyatdagi faolligini oshirish, huquqiy savodxonligini yuksaltirish hamda mavjud muammolarini o‘rganib, ularga amaliy yechim topish masalalari muhokama qilindi.

🚨 Tadbir davomida Yoshlar maslahat guruhining tuman Kengashi deputatlari bilan hamkorligini yanada kuchaytirish, yoshlar murojaatlarini o‘rganish va ularni tegishli mutasaddi tashkilotlarga yo‘naltirish borasida fikr-mulohazalar bildirildi. Shuningdek, yoshlar o‘rtasida huquqiy targ‘ibot ishlarini tizimli ravishda tashkil etish muhimligi ta’kidlandi.

🚨 Tuman adliya bo‘limi tomonidan yoshlarning huquqiy bilimlarini oshirish, qonunchilikdagi yangiliklardan xabardor qilish va huquqiy maslahatlar berish bo‘yicha amalga oshirilayotgan ishlar haqida ma’lumot berildi.

🚨 Yig‘ilishda bildirilgan taklif va mulohazalar asosida kelgusida yoshlar bilan ishlash samaradorligini oshirish, ularning tashabbuslarini qo‘llab-quvvatlash hamda muammolarini o‘z vaqtida hal etish bo‘yicha hamkorlikda amalga oshiriladigan vazifalar belgilab olindi.

🚨 Bunday uchrashuvlar yoshlarning jamoatchilik ishlaridagi ishtirokini kuchaytirish, ularning huquq va manfaatlarini himoya qilish hamda yoshlar siyosati sohasidagi vazifalarni samarali amalga oshirishda muhim ahamiyat kasb etadi.