Xalq deputatlari Angor tumani Kengashi 13-Angor saylov okrugi deputati Jo‘rayev Akbar Nortijeyevich tomonidan Markaz mahallasida olib borilayotgan obodonlashtirish va bunyodkorlik ishlari o‘rganildi.

Ayni paytda mahalla hududida piyodalar uchun qulay va xavfsiz sharoit yaratish maqsadida trotuar qurish ishlari amalga oshirilmoqda. Mazkur ishlar hududning ko‘rinishini yanada obod qilish, aholi uchun qulay piyoda yo‘laklarini tashkil etishga xizmat qiladi.

Deputat tomonidan amalga oshirilayotgan ishlarning sifati va belgilangan tartibda olib borilishi yuzasidan tegishli tavsiyalar berildi.