Xotin-qizlar faoli faoliyati o‘rganildi
Xalq deputatlari Angor tumani Kengashi 11-Navro‘z saylov okrugi deputati To‘rayev Norquvvot Tadjimurodovich tomonidan hududdagi mahalla xotin-qizlar faolining faoliyati o‘rganildi.

O‘rganish davomida xotin-qizlar bilan ishlash, ularning murojaat va muammolarini o‘rganish, ijtimoiy ko‘makka muhtoj ayollarni qo‘llab-quvvatlash, bandligini ta’minlash hamda tadbirkorlikka yo‘naltirish borasida amalga oshirilayotgan ishlar tahlil qilindi.

Shuningdek, xotin-qizlarning muammolarini “Mahalla yettiligi” bilan hamkorlikda manzilli hal etish, mavjud imkoniyatlardan samarali foydalanish va murojaatlar ijrosini nazorat qilish masalalariga alohida e’tibor qaratildi.

Mazkur o‘rganishda Xalq deputatlari Angor tumani Kengashi kotibiyati mudiri Yarmatov Muhiddin Nurxonovich ham ishtirok etdi.

O‘rganish yakunlari bo‘yicha aniqlangan masalalarni bartaraf etish hamda xotin-qizlar bilan ishlash samaradorligini yanada oshirish yuzasidan tegishli tavsiya va vazifalar belgilab olindi.