Xalq deputatlari Angor tumani Kengashi 10-at -Termiziy saylov okrugi deputati hamda Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiyasi raisi Kabulova Ra'no Irkinovna tomonidan o‘ziga biriktirilgan Kambag‘allikni qisqartirish va bandlik bo‘limi faoliyati o‘rganildi.

O‘rganish davomida bo‘limga fuqarolardan kelib tushayotgan murojaatlarning ularning belgilangan tartibda ro‘yxatga olinishi, mas’ullar tomonidan ko‘rib chiqilishi hamda murojaatlarda ko‘tarilgan masalalarning o‘z vaqtida va sifatli hal etilishi holatiga alohida e’tibor qaratildi.

Shuningdek, murojaatlarning ijrosi yuzasidan olib borilayotgan ishlar tahlil qilinib, aniqlangan masalalar bo‘yicha tegishli mas’ullarga vazifalar belgilab berildi. Fuqarolar murojaatlari bilan ishlashda qonuniylik, ochiqlik va natijadorlikni ta’minlash, murojaatlarni ortga surmasdan, amaliy yechim topishga qaratilgan ishlarni kuchaytirish zarurligi ta’kidlandi.

Mazkur o‘rganishda Xalq deputatlari Angor tumani Kengashi kotibiyati mudiri Muhiddin Yarmatov Nurxonovich ham ishtirok etdi.

Biriktirilgan tashkilotlar faoliyatini o‘rganish orqali hududda aholining bandligini ta’minlash, kambag‘allikni qisqartirish va fuqarolar murojaatlarining samarali ijrosini ta’minlash borasidagi ishlar ustidan deputatlik nazorati davom ettiriladi.