Jumladan, Uchko‘prik tumani, Mullazoir mahallasida joylashgan 32-son davlat maktabgacha ta’lim tashkiloti faoliyati bilan yaqindan tanishildi. Muassasada tarbiyalanuvchilar uchun yaratilgan shart-sharoitlar, ta’lim-tarbiya jarayonining tashkil etilishi hamda sanitariya-gigiyena talablariga rioya etilishi holati o‘rganildi. 

Shuningdek DMTT oshxonasining sanitariya holati, oziq-ovqat mahsulotlarining saqlanishi, bolalar uchun tasdiqlangan taomnomaning amalda bajarilishi, taomlarning sifati va belgilangan me’yorlarga muvofiqligi o‘rganildi. Muassasaning isitish tizimi hamda kuz-qish mavsumiga tayyorgarlik holatiga ham alohida e’tibor berildi. 

Bolajonlarning bo‘sh vaqtlarini mazmunli o‘tkazishi va jismoniy rivojlanishi uchun tashkil etilgan ochiq maydonchalar, o‘yin hududlari mavjudligi, ularning xavfsizligi, sanitariya holati va foydalanishga yaroqliligi baholandi. O‘rganish yakunida aniqlangan masalalar yuzasidan mas’ullarga tegishli tavsiyalar berilib, muassasada sanitariya-gigiyena talablariga qat’iy rioya qilish va tarbiyalanuvchilar uchun yanada qulay va xavfsiz sharoitlarni ta’minlash zarurligi ta’kidlandi. 

  👇Bizni kuzatishda davom eting👇 

🇺🇿 Xalq deputatlari Uchko‘prik tumani Kengashi