Xalq deputatlari Andijon shahar Kengashi deputati, Andijon shahar hokimi Elyorbek Karimov yoshlar bilan uchrashuv o‘tkazdi.

Muloqot davomida boshqa viloyatlardagi oliy ta’lim muassasalarida tahsil olib, o‘qishni tamomlagan yoshlarning murojaat va takliflari tinglandi.

Jumladan, moliya-iqtisod yo‘nalishini tamomlagan yoshlarning mutaxassisligi bo‘yicha ish bilan ta’minlanish masalalari ko‘rib chiqilib, ular bank va mahalla tizimiga yo‘naltirildi.

Shuningdek, O‘zbekiston va Rossiya Federatsiyasidagi tibbiyot oliygohlarini tamomlagan yoshning murojaati ham o‘rganilib, uning bilim va ko‘nikmalari inobatga olingan holda Andijon shahridagi tibbiyot muassasalarida faoliyat yuritishi uchun tavsiya berildi.

Uchrashuv davomida ishtirok etgan yoshlarning murojaatlari tegishli tartibda ko‘rib chiqilib, ijobiy yechim topishiga amaliy ko‘mak ko‘rsatildi.