📚 O‘zbekiston Respublikasining “Ichki ishlar organlari to‘g‘risida”gi Qonuni, 2016-yil 16-sentabrdagi O‘RQ-407-son Qonuni talablari asosida 👤 Xalq deputatlari Shovot tumani Kengashi 6-Qiyot saylov okrugi deputati Ro‘zmetov Marimboy Shermetovich tomonidan o‘z saylov okrugiga qarashli Yangi O‘zbekiston mahallasidagi profilaktika inspektorining faoliyati o‘rganildi.
🤝 O‘rganish jarayonida Kengash kotibiyati mudiri Masharipov Izzat Masharipovich, kotibiyat bosh mutaxassisi Ro‘zmetov Umrbek Shavkatovich hamda Xalq deputatlari Shovot tumani Kengashi huzuridagi Yoshlar maslahat guruhi a’zosi Qo‘ziboyev Temurbek Sarvarovich ishtirok etdilar.
🟢 O‘rganish davomida Yangi O‘zbekiston mahallasining jinoyatchilik va huquqbuzarliklarning oldini olish bo‘yicha “yashil” toifaga kirishi, hududda osoyishtalikni ta’minlash, huquqbuzarliklarning barvaqt oldini olish hamda fuqarolar xavfsizligini ta’minlash borasida amalga oshirilayotgan ishlar tahlil qilindi.
🔎 Shuningdek, profilaktika inspektorining aholi bilan ishlashi, murojaatlarni o‘rganishi, mahallada huquq-tartibotni mustahkamlash hamda yoshlar o‘rtasida huquqbuzarliklarning oldini olish borasidagi faoliyatiga alohida e’tibor qaratildi.
📌 O‘rganish yakunida profilaktika inspektori faoliyatini yanada samarali tashkil etish, mahallada tinchlik va osoyishtalikni ta’minlash bo‘yicha tegishli tavsiyalar bildirildi.
🤝 Tinch va osoyishta mahalla — farovon hayot garovi!