Xalq deputatlari Angor tumani Kengashi kotibiyati mutaxassisi M.Choriyeva "MADAD" nodavlat notijorat tashkilotining Angor tumanidagi huquqiy maslahat markazi faoliyati bilan tanishdi.

Tashrif davomida markazda aholiga ko‘rsatilayotgan bepul huquqiy maslahat xizmatlari, fuqarolar murojaatlarini qabul qilish va ularni qonunchilik asosida hal etish mexanizmlari yuzasidan fikr almashildi.

Shuningdek, aholini huquqiy jihatdan qo‘llab-quvvatlash, huquqiy madaniyatni yuksaltirish hamda fuqarolarning murojaatlari bilan ishlash samaradorligini oshirish borasida o‘zaro hamkorlikni yanada mustahkamlash masalalari muhokama qilindi.

Xalq deputatlari Angor tumani Kengashi kotibiyati hamda "MADAD" huquqiy maslahat markazi o‘rtasidagi hamkorlikni izchil davom ettirish orqali aholining huquqiy manfaatlarini ta’minlash va qonun ustuvorligini mustahkamlash yo‘lidagi sa’y-harakatlar davom ettiriladi.