Murojaatda Tallashqon mahallasi Xo‘jqi qishlog‘idagi ayrim yashash uylari ustidan yuqori kuchlanishli elektr uzatish tarmog‘i o‘tganligi, mazkur holat esa aholi hayoti, sog‘lig‘i hamda mol-mulki xavfsizligiga jiddiy xavf tug‘dirayotgani ta’kidlandi. Shu munosabat bilan elektr uzatish tarmog‘ini boshqa xavfsiz hududga ko‘chirish bo‘yicha amaliy yordam ko‘rsatish so‘ralgan.

Mazkur murojaat yuzasidan deputat tomonidan tegishli tashkilotlarga deputatlik so‘rovi yuborildi. Unda masalani joyiga chiqqan holda batafsil o‘rganish, mavjud holatga huquqiy va texnik baho berish, fuqarolar xavfsizligini ta’minlash maqsadida zarur choralarni ko‘rish hamda ko‘rilgan ishlar natijalari yuzasidan belgilangan tartibda asoslantirilgan javob taqdim etish so‘raldi.

Fuqarolar murojaatlariga o‘z vaqtida va samarali yechim topish deputatlik faoliyatining ustuvor yo‘nalishlaridan biri bo‘lib, mazkur masala deputat nazoratida saqlanadi.