Xalq deputatlari Angor tumani Kengashi deputati To‘rayev Norquvvat To‘rayevich tomonidan 11–Navro‘z saylov okrugi hududidagi Navro‘z mahallasi fuqarolari murojaati joyiga chiqib o‘rganildi.

O‘rganish davomida fuqarolar tomonidan Angor Zamin klasteri zavodi oldidagi yuzga yaqin daraxt uzoq vaqt sug‘orilmagani sababli qurib borayotgani, shuningdek, ariqlarga suv kelmayotgani oqibatida tomorqa yerlaridagi ekinlarni sug‘orishda jiddiy muammolar yuzaga kelayotgani aniqlandi. Mazkur holat aholi tomorqalaridan samarali foydalanishga salbiy ta'sir ko‘rsatayotgani ta'kidlandi.

Mazkur murojaat yuzasidan "Xalq deputatlari viloyat, tuman va shahar Kengashi deputatining maqomi to‘g‘risida"gi Qonunning 5 va 8-moddalariga muvofiq, mas'ul tashkilotga deputatlik so‘rovi yuborildi hamda hududni sug‘orish suvi bilan ta'minlash, daraxtlarni saqlab qolish va tomorqalarga suv yetkazib berish choralarini ko‘rish so‘raldi.

Xalq deputatlari Angor tumani Kengashi deputatlari fuqarolar murojaatlarini joyida o‘rganish, ularning qonuniy yechim topishini ta'minlash hamda deputatlik nazoratini izchil davom ettiradi.