Xalq deputatlari Sardoba tumani Kengashi kotibyati bosh mutaxasisi L. Toshquvvatov tomonidan Xalqaobod mahallasi fuqarolarining murojaati asosida hududda maishiy chiqindilarni o‘z vaqtida olib ketish holati o‘rganildi.
O‘rganish davomida aholi tomonidan bildirilgan murojaatlar tinglanib, chiqindi to‘planishi holatlari, sanitariya-tozalik ishlarining tashkil etilishi hamda mas’ul tashkilotlar tomonidan xizmat ko‘rsatish sifati tahlil qilindi.
Aniqlanishicha, ayrim holatlarda maishiy chiqindilarni belgilangan jadval asosida olib ketish ishlarida uzilishlar kuzatilayotgani sababli ko‘chalarda chiqindilar to‘planib qolishi holatlari yuzaga kelmoqda. Bu esa hududning sanitariya holatiga salbiy ta’sir ko‘rsatib, aholi o‘rtasida haqli e’tirozlarni keltirib chiqarmoqda.
O‘rganish jarayonida mas’ul tashkilotlar e’tibori chiqindi tashish xizmatlarini samarali tashkil etish, belgilangan grafikka qat’iy rioya qilish hamda aholiga sifatli kommunal xizmat ko‘rsatish zarurligiga qaratildi. Shuningdek, mavjud kamchiliklarni qisqa muddatlarda bartaraf etish yuzasidan tegishli tavsiya va takliflar berildi.
O‘rganish yakunida Turon ko‘chasida sanitariya va ekologik barqarorlikni ta’minlash, aholi murojaatlariga tezkor munosabat bildirish hamda chiqindilarni o‘z vaqtida olib ketish ustidan deputatlik nazoratini kuchaytirish muhim vazifa ekani ta’kidlandi.