Bugungi kunda yurtimizda keksalarning hayot darajasi va sifatini yanada yaxshilash, ularni moddiy va ma’naviy qo‘llab-quvvatlash
ko‘lamini kengaytirish, yoshi ulug‘ insonlar, ayniqsa, 1941-1945 yillardagi urush va mehnat fronti faxriylariga ijtimoiy, pensiya ta’minoti va tibbiy xizmat ko‘rsatishni takomillashtirish, oila va jamiyatda, yoshlarni o‘zbek xalqining ko‘p asrlik qadriyat va an’analari ruhida tarbiyalashda keksalarning o‘rnini mustahkamlash borasida keng ko‘lamli ishlar amalga oshirilmoqda.

Xalq deputatlari Buxoro tumani kengashi, Buxoro tuman hokimligi, Buxoro tuman nuroniylar kengashi bilan hamkorlikda
xayrli ishga qo‘l urib “9-may Xotira va qadrlash kuni” munosabati bilan tumandagi 2-jaxon urushi davrida mehnat frontida
xizmat qilgan faxriylar xolidan xabar olinib, bayram bilan qutlashdi.

Tadbir doirasida front orti faxriylariga birlamchi turdagi oziq-ovqat mahsulotlari va sovg‘alar ulashilib,keksa avlod
vakillarining duolari olindi.

Xalq deputatlari Buxoro tumani Kengashi kotibiyati.