Xalq deputatlari Sh.Rashidov tuman Kengashining 2025-yil 30-dekabrdagi VII-17-169-3-46-K-sonli qarori bilan tasdiqlangan tumanda qishloq xo‘jaligi sohasini rivojlantirish bo‘yicha Kichik dastur ijrosi yuzasidan belgilangan loyihalarning amalga oshirilish holati Agrar, suv xo'jaligi va ekologiya masalalari bo'yicha doimiy komissiyasi tomonidan atroflicha o‘rganildi.

Tumanning barcha hududlarida suv resurslaridan oqilona foydalanish hamda suv tejovchi texnologiyalarni keng joriy etish, jumladan tomchilatib va yomg‘irlatib sug‘orish tizimlarini amaliyotga tatbiq etish bo‘yicha olib borilayotgan ishlar tahlil qilindi. Qishloq xo‘jaligi mahsulotlari yetishtirish hajmini oshirish, ekin maydonlaridan samarali foydalanish hamda yangi ishlab chiqarish quvvatlarini yaratish maqsadida 1911 gektar yangi yer maydonlarini o‘zlashtirish bo‘yicha amalga oshirilayotgan chora-tadbirlar o'rganildi.