Кейинги йилларда Наманганда кичик бизнес ва енгил саноат кундан кунга ривожланиб бормоқда. Айниқса, текстил маҳсулотларини тайёрлашда Наманган бренди ўз ўрнига эга. 

Янги Наманган туманидаги «Gold start» МЧЖ корхонаси ҳам 100 дан ортиқ аҳолини бандлигини таъминлаш билан бир қаторда туманнинг экспорт салоҳиятини юксалтиришга хизмат қилмоқда.

Бу ерда тикилаётган эркаклар кийимлари Россия ва МДҲ мамлакатига экспорт қилинмоқда. Бундан ташқари, болалар учун ҳам костюм шимлар тикиляпти.

Туман депутати-ҳокими ушбу ишлаб чиқариш корхонасида бўлиб, ишчиларга яратилган шароитлар, маҳсулотлар сифати ва келгуси режалар билан танишди ҳамда иш кўламини кенгайтириш бўйича зарурий тавсиялар берди.