Xalq deputatlari Kengashi raisi Qo‘zimurotov Abdusalom Javliyevich Zang Gilambob mahallasida bo‘lib, hududdagi ijtimoiy-iqtisodiy jarayonlar va aholi tomorqa xo‘jaliklari faoliyati bilan yaqindan tanishdi. Tashrif davomida mahallaga biriktirilgan bank mutaxassisi Choriyev Azizbek bilan birgalikda tadbirkorlik faoliyatini yo‘lga qo‘ygan Turopov Hasan xonadonida bo'ldi. Mazkur xonadon vakillari tomonidan bodring, “Chintana” navli pomidor hamda kartoshka yetishtirilmoqda. Ushbu mahsulotlar nafaqat oilaviy daromad manbai, balki mamlakatimiz oziq-ovqat xavfsizligini ta’minlashga ham munosib hissa qo‘shmoqda. Yetishtirilayotgan mahsulotlar to‘liq pishib yetilgach, ichki bozorlarimizni sifatli va arzon qishloq xo‘jaligi mahsulotlari bilan ta’minlashga xizmat qiladi. Bu esa o‘z navbatida mahalla iqtisodiy faolligini oshirib, hududning ijtimoiy-iqtisodiy rivojlanishiga ijobiy ta’sir ko‘rsatadi. Deputatlar tomonidan bunday tashabbuskor xonadonlarni qo‘llab-quvvatlayotgan mahalla vakillariga ularning faoliyatini yanada kengaytirish ko‘maklashish bo‘yicha tavsiyalar berildi.