🔹 O‘zbekiston Respublikasi Prezidentining 2025-yil 8-sentyabrdagi PQ-277-son qarori ijrosi yuzasidan tuman “Kelajak” markazida amalga oshirilayotgan ishlar O‘zbekiston Xalq demokratik partiyasidan saylangan deputat Xalq deputatlari tuman Kengashi deputati Y.Xolmurotov tomonidan o‘rganildi.

🔹 O‘rganish davomida markazda yoshlarga yaratib berilgan shart-sharoitlar, amalga oshirilayotgan ta’lim va kasb-hunarga yo‘naltirish ishlari hamda turli to‘garaklar faoliyati atroflicha ko‘rib chiqildi. Xususan, axborot texnologiyalari, chet tillari va tadbirkorlikka oid mashg‘ulotlar sifatiga alohida e’tibor qaratildi.

🔹 Shuningdek, markazga tashrif buyurgan yoshlar bilan muloqot o‘tkazilib, ularning fikr va takliflari tinglandi. Yoshlar tomonidan bildirilgan takliflar asosida mavjud imkoniyatlarni yanada kengaytirish, zamonaviy o‘quv jihozlari bilan ta’minlash va mashg‘ulotlar samaradorligini oshirish bo‘yicha tegishli tavsiyalar berildi.

🔹 O‘rganish yakunida mas’ullarga markaz faoliyatini yanada takomillashtirish, yoshlarning bo‘sh vaqtlarini mazmunli tashkil etish va ularni kasb-hunarga yo‘naltirish ishlarini kuchaytirish yuzasidan aniq vazifalar belgilab berildi.