Yoshlar siyosati amalda - “Nayman” mahallasida ijobiy tajriba o‘rganildi

 ↗️ Kengash deputati tashabbusi bilan mahalladagi yoshlar bilan ishlash samaradorligi o‘rganilib, ilg‘or tajribalar yuqori baholandi.

 🇺🇿 Xalq deputatlari Uchtepa tumani Kengashining “13-Uchtepa” okrugi deputati Karimov Jamshid Fatxullayevich tashabbusi bilan mahalliy Kengash deputati faoliyatining ustuvor 24 ta yo‘nalishidan biri — mahalladagi yoshlar yetakchisi tomonidan amalga oshirilayotgan ishlar samaradorligi hamda yoshlar bandligini o‘rganish maqsadida “Nayman” mahallasida manzilli o‘rganish olib borildi.

 ✨ O‘rganish jarayonida mazkur mahallada faoliyat yuritib kelayotgan yoshlar yetakchisi Xolmirzayeva Sitora Ravshan qizining faoliyati atroflicha tahlil qilindi. Aniqlanishicha, mahalla yoshlari uchun yaratilgan sharoitlar namunali darajada yo‘lga qo‘yilgan bo‘lib, ularning bo‘sh vaqtini mazmunli tashkil etish, kasb-hunar o‘rganishi va bandligini ta’minlash borasida tizimli ishlar olib borilmoqda.

 🤚 Xususan, “Besh tashabbus” doirasidagi loyihalar yuqori saviyada tashkil etilib, yoshlarning sport, san’at, axborot texnologiyalari va kitobxonlikka bo‘lgan qiziqishini oshirishga xizmat qilmoqda. Ushbu tadbirlarning samaradorligi yoshlarning faolligi va erishayotgan natijalarida yaqqol namoyon bo‘lmoqda.

 🗣 Shuningdek, o‘rganish davomida O‘zbekiston Respublikasi Prezidenti tashabbusi bilan yoshlarga qaratilayotgan e’tibor joylarda samarali yo‘lga qo‘yilgani, yoshlar bilan ishlash tizimi izchil rivojlanib borayotgani alohida e’tirof etildi.

 🔼 Umuman olganda, “Nayman” mahallasida yoshlar bilan ishlash borasida amalga oshirilayotgan ishlar ijobiy tajriba sifatida baholanib, ushbu yo‘nalishda erishilgan natijalarni boshqa hududlarda ham ommalashtirish maqsadga muvofiqligi qayd etildi.