Xalq bilan muloqot qilish, aholining dardu tashvishlarini tinglash va ularga amaliy ko‘mak berish bugungi kunda har bir deputat faoliyatining bosh mezoniga aylangan.

22-Fayzavo saylov okrugiga qarashli “Fayzavo” mahallasi, Ma’rifat ko‘chasi, 3-uyda istiqomat qiluvchi fuqaro Zaynab Davlayeva tomonidan sog‘lig‘i yomonlashgani sababli harakatlanish uchun nogironlik aravachasiga ehtiyoji borligi haqida murojaat kelib tushgan edi.

Mazkur murojaat deputatlik so‘rovi asosida o‘rganilib, mutasaddi tashkilotlar bilan hamkorlikda qisqa muddatda ijobiy hal etildi.

Uzun tumani “Inson” ijtimoiy xizmatlar markazi tomonidan zaruriy nogironlik aravachasi ajratildi.

Xalq deputatlari Uzun tumani Kengashi raisi D.Safarova hamda Kengash kotibiyati mudiri O‘.Rajabov xonadonga tashrif buyurib, aravachani fuqaroga topshirdilar.

“Inson qadri uchun” tamoyili asosida amalga oshirilayotgan bu kabi ishlar ehtiyojmand fuqarolarning hayotga bo‘lgan umidini mustahkamlashga, ularning ijtimoiy muhitga moslashishiga xizmat qiladi.

Fuqaro Zaynab Davlayeva o‘z navbatida ko‘rsatilgan e’tibor va amaliy yordam uchun davlatimiz hamda tuman mutasaddilariga o‘z minnatdorchiligini bildirdi.