Бүгин Кегейли районы ҳәкимлиги мәжилислер залында жаслар парламенти ўәкиллери мектеби ағзаларының мәжилиси болып өтти.

Мәжилиске Халық депутатлары Кегейли районлық Кеңеси депутатлары, жаслар парламенти ўәкиллери мектеби ағзалары ҳәмде ғалаба хабар қураллары ўәкиллери қатнасты.

Мәжилисте Өзбекстан Республикасы Олий Мажлиси Сенатының 2021-жыл
12-октябрь күнги “Жасларды ҳәр тәреплеме қоллап-қуўатлаў, олардың Сенат ҳәм Халық депутатлары жергиликли Кеңеслери менен бирге ислесиўди жолға қойыў ҳәмде жаңа әўлад захира кадрларды қәлиплестирип барыў ҳаққында”ғы КҚ-272-IV-санлы қарары менен аймақларда Жаслар парламенти ўәкиллериниң мектеби искерлигин жүргизип барыў бойынша берилген тапсырмаларды орынлаў мақсетинде дүзилген Жаслар парламенти ўәкиллер мектебиниң тийкарғы мақсети ҳәм ўазыйпалары, аймақларда жаслардың жәмийетлик ҳәм мәмлекет ислерин басқарыўдағы орны ҳәм тәсирин әмелде тәмийинлеў, олардың ҳуқықый санасы ҳәм саўатханлығын арттырыў, жәмийетте жасларды сиясий белсенди қатламға айландырыў ҳәм де олардың сиясий-ҳуқықый билим ҳәм көнликпелерин байытыў, реже бойынша ҳәм реже дөретиўшилиги процессине жасларды тартыў ҳәм олардың Халық депутутлары жергиликли Кеңеслери, сондай-ақ, парламент турмысына байланысын арттырыўдан ибәрат екенлиги атап өтилди.

Буннан соң ўәкиллер мектеби баслығын жасырын даўыс бериў жолы менен сайлап алыў бойынша мәселе көрилди.

Бунда Ҳабибуллаев Ажинияз Шамурат улы ўәкиллер мектеби ағзаларының жасырын даўыс бериў жолы менен сайланды.

Мәжилис соңында жаслар тәрепинен усыныс ҳәм пикирлер тыңланып, өз ара пикир алмасты.

Кегейли районы ҳакимлиги