Adolat MFYda ijtimoiy xodim faoliyati o‘rganildi

Xalq deputatlari O‘rta Chirchiq tuman Kengashining 17-“Adolat” saylov okrugi deputati D.Mansurxonov nomidan tuman Kengashi kotibiyati bosh mutaxassisi Sh.Eshov tomonidan Adolat mahalla fuqarolar yig‘inida ijtimoiy xodim faoliyati o‘rganildi.

O‘rganish davomida ijtimoiy xodim tomonidan aholining ijtimoiy himoyaga muhtoj qatlamini qo‘llab-quvvatlash, yolg‘iz keksalar, nogironligi bo‘lgan shaxslar hamda ijtimoiy ko‘makka ehtiyoji mavjud fuqarolar bilan ishlash borasida amalga oshirilayotgan ishlar ko‘zdan kechirildi.

Shuningdek, fuqarolarning murojaatlari bilan ishlash, ularning muammolarini o‘z vaqtida aniqlash va tegishli tashkilotlar bilan hamkorlikda hal etish, ijtimoiy xizmatlarni manzilli tashkil qilish masalalariga e’tibor qaratildi.

O‘rganish yakunida ijtimoiy xodim faoliyatini yanada takomillashtirish, aholiga ko‘rsatilayotgan ijtimoiy xizmatlar sifatini oshirish hamda ehtiyojmand fuqarolar bilan tizimli ishlash yuzasidan tegishli tavsiya va ko‘rsatmalar berildi.

✅Xalq deputatlari O'rta Chirchiq tuman Kengashi kotibiyati axborot xizmati!