Xotin-qizlarga nisbatan zo‘ravonlikning oldini olish va ularni har tomonlama qo‘llab-quvvatlash — jamiyat taraqqiyotining muhim shartlaridan biridir.

📍 O‘zbekiston Respublikasi Oliy Majlisining Inson huquqlari bo‘yicha vakili (Ombudsman)ning Xorazm viloyatidagi mintaqaviy vakili O.Ollayorov hamda xalq deputatlari viloyat Kengashi deputatlari F.Sadullayeva, M.Xudayberganova va Sh.Kurbansaidovalar ishtirokida muhim tadbir tashkil etildi.

“Ayollarni reabilitatsiya qilish va moslashtirish Xorazm viloyati hududiy markazi”da xotin-qizlarni qo‘llab-quvvatlashga qaratilgan loyihasi doirasida uchrashuv bo‘lib o‘tdi.

Mazkur tadbirda bir qator mas’ul tashkilotlar vakillari ishtirok etib, markazda istiqomat qilayotgan xotin-qizlarning muammolari atroflicha o‘rganildi va ularga amaliy yordam ko‘rsatildi.

✅ Davra suhbati davomida ishtirokchilar tomonidan quyidagi masalalar yuzasidan huquqiy tushuntirishlar berildi:

Bandlikni ta’minlash;

Sifatli tibbiy xizmatdan foydalanish;

Aliment undirish tartiblari;

Farzandlarni o‘z qaramog‘iga olish va vasiylik masalalari.

🔵 Ma’lumot o‘rnida ta’kidlash joizki, ayni vaqtda markazda 17 nafar ayol va ularning 18 nafar farzandlari yashab kelmoqda.

🧠 Tadbir yakunida mutaxassis-psixologlar tomonidan xotin-qizlar bilan yakka tartibda suhbatlar o‘tkazilib, ularga zaruriy psixologik va ma’naviy ko‘mak berildi.

✨ Bu kabi tashabbuslar xotin-qizlarning huquqiy savodxonligini oshirish, ularni jamiyatga qayta moslashtirish va ertangi kunga bo‘lgan ishonchini mustahkamlashda beqiyos ahamiyat kasb etadi.