Xalıq deputatları Taxtakópir rayonlıq Keńesine XDP nan deputat Adilov Jambul Agitaevich Taxtakópir rayonındaǵı Jaslar orayında sportshı hám jámlespegen jaslar menen ashıqtan-ashıq pikirlesti.

Ushırasıw dawamında jaslardı sportqa keńnen tartıw, olardıń bos waqtın mazmunlı shólkemlestiriw, salamat turmıs tárizin úgit-násiyatlaw jáne jınayatshılıq hám huqıqbuzarlıqlardıń aldın alıw máseleleri hár tárepleme dodalandı. Sonday-aq, jaslar tárepinen bildirilgen usınıs hám mashqalalar tıńlanıp, olardı unamlı sheshiw boyınsha tiyisli juwapkerlerge anıq tapsırmalar berildi.