Búgin rayonlıq Keńeste Reglament hám deputatlıq ádep-ikramlılıq máseleleri boyınsha turaqlı komissiyanıń gezektegi májilisi joqarı dárjede shólkemlestirildi.

Májilis jumısına komissiya aǵzaları, deputatlar, sonday-aq sekretariat xızmetkerleri qatnasıp, kún tártibine qoyılǵan máseler keń túrde dodalandı.

Májilis dawamında deputatlardıń jumısın tártiplestiriwde áhmiyetli bolǵan reglament talaplarınıń orınlanıw dárejesi, deputatlıq ádep-ikramlılıq qaǵıydalarına ámel etiw hám I-sherek juwmaǵı menen deputatlar sessiyaǵa qatnasıw belsendiligi boyınsha máseleler tıńlandı. Sonıń menen birge deputatlardıń sessiya hám komissiya májilislerine qatnasıw belsendiligi, saylawshılar menen alıp barıp atırǵan jumısları, sonday-aq olardıń xızmetindegi juwapkershilik hám intizam máseleleri atap ótildi.

Májilis barısında ayrım kemshilikler menen qıyınshılıqlar da ashıq aytılıp, olardı sheshimin tabıw boyınsha anıq usınıslar bildirildi.

Ásirese, deputatlıq etikaniń joqarı dárejede saqlanıwı, xalıq penen mudamı hám nátiyjeli baylanıs ornatıw, mashqalalar menen islesiwde sapasın jaqsılaw máselelerine ayrıqsha itibar qaratıldı.

Májiliske qatnasıwshılar tárepinen deputatlıq jumısların jáne de jetilistiriw, reglament talaplarına ámel etiw, sonday-aq ádep-ikramlılıq qaǵıydalarına boysınıw boyınsha bir qatar usınıslar bildirildi.

Hár bir kóterilgen másele boyınsha tiyisli sheshimler qabıl etilip, olardıń orınlanıwın qadaǵalaw mexanizmleri belgilep alındı.