Xalq deputatlari Zarbdor tumani Kengashi deputati Gulzoda Xudoyarovaning deputatlik so'roviga javoban tuman Obodonlashtirish boshqarmasining o‘rganish ishlari olib bordi.

O‘rganish davomida mahalladagi Furqat ko‘chasining 400 metr qismi asfaltlanmaganligi sababli yog‘ingarchilik mavsumida aholi va transport vositalari harakati uchun noqulayliklar yuzaga kelayotganligi aniqlangan.

Mazkur muammoni bartaraf etish maqsadida Furqat ko‘chasi boshqarma tasarrufidagi ichki yo‘llarni saqlash va joriy ta’mirlash bo‘yicha 2026-yilgi Manzilli ro‘yxatga kiritildi. Ayni paytda tegishli dastur asosida mablag‘ ajratilishi kutilmoqda. Moliyalashtirish jarayoni yakunlangach, ko‘chada to‘liq asfaltlashtirish ishlari amalga oshirilishi belgilangan.

Hududdagi ichki yo‘llarni yaxshilash va aholi uchun xavfsiz harakatlanish sharoitlarini yaratish ishlari deputat nazoratiga olingan.