Maktab uzoq tarixga ega bo‘lib, binosi 1954-yilda qurilgan. U shaharning ta’lim tizimida faol ishtirok etib, adabiyot va ma’rifat yo‘nalishida tadbirlar o‘tkazib keladi. Hozirda zamonaviy ta’lim dasturlari tatbiq etilgan holda faoliyat yuritmoqda.

 Ma’lumki, ushbu maktabga Birinchi Prezidentimiz I. Karimov 1945-yilda o‘qishga kirib, uni oltin medal bilan tamomlagan.

 Deputatlar muzeyda Islom Abdug‘aniyevich o‘qigan davrdagi shinam partalar, kundalik daftarlar, insho daftarlari, tabellar, sinfdoshlar bilan tushgan suratlar va vinyetkalarni ko‘rib, tarixiy ob’ektlar saqlanib qolganligiga guvoh bo‘ldilar.

 Shuningdek, muzeyda Islom Abdug‘aniyevichni ko‘p yillar o‘qitgan ustozi Halim Abdurahmonov va boshqa mohir pedagoglarga tegishli tarixiy ashyolar ham diqqatga sazovor ekanligi ta’kidlandi.

 Deputatlar muzey faoliyatini yanada takomillashtirish, tashrif buyuruvchilar sonini oshirish, qulayliklar yaratish va muzey fondidagi eksponatlarni saqlash bo‘yicha o‘z takliflarini berdilar.

 Jumladan, muzeyni ta’lim sohasida o‘tmish, bugun va kelajakni aks ettiruvchi madaniy maskan sifatida boyitish, nodir eksponatlar bilan yanada boyitish va yoshlar o‘rtasida keng targ‘ib qilish zarurligi ta’kidlandi.

 Tashrif yakunida deputatlar muzeyning “faxriy tashrif buyuruvchilar” kitobiga o‘z fikr-muloahazalarini yozib qoldirdilar.